सरकारले बाँकेको राप्ती सोनारी ४ सहित अन्य ७ स्थानमा औद्योगिक ग्राम निर्माण गर्ने घोषणा गरेको छ ।
नेपाल सरकार मन्त्रिपरिषद्को मंगलबार बसेको बैठकले बैठक सात स्थानका जग्गा वा क्षेत्रलाई औद्योगिक ग्राम घोषणा गर्ने निर्णय गरेको हो । बैठकले राप्तीसोनारी गाउँपालिका ४ बाँके ,रास्कोट नगरपालिका ६ कालिकोट, नरहरिनाथ गाउँपालिका २ कालिकोट, रम्भा गाउँपालिका ३ पाल्पा, शीतगंगा गाउँपालिका १३ अर्घाखाँची, जगरनाथपुर गाउँपालिका ५ पर्सा र महागढीमाई नगरपालिका –५ बारा गरी सात स्थानका जग्गा वा क्षेत्रलाई औद्योगिक ग्राम घोषणा गर्ने निर्णय गरेको हो । माओवादी नेतृ एंव लुम्बिनी प्रदेश सभा सदस्य कृष्ण केसी नमुनाले राप्ती सोनारी ४ मा औद्योगिक ग्राम बन्ने कुरा खुशीको कुरा भन्दै प्रचण्ड नेतृत्वको सरकार लाई धन्यवाद दिइन ।
त्यस्तै बैठकले नेपाल दूरसञ्चार प्राधिकरणको बजार व्यवस्थापन सदस्य पदमा नवराज अधिकारीलाई नियुक्त गर्ने निर्णय गरेको सरकारका प्रवक्ता तथा सञ्चार तथा सूचना प्रविधि मन्त्री रेखा शर्माले जानकारी दिइन् । आजको बैठकले राष्ट्रिय अनुसन्धान विभागका सह अनुसन्धान निर्देशकबाट इन्द्रसिंह लामा र माधव तिमिल्सिनालाई अनुसन्धान निर्देशकमा पदोन्नति गरी लामाको सुदूरपश्चिम र तिमिल्सिनाको कर्णाली प्रदेशमा पदस्थापन गर्ने निर्णय गरेको छ ।
