माओवादी केन्द्रका स्थाई समिति सदस्य कुल बहादुर केसी सोनाम ले माओवादी केन्द्रका तर्फबाट बिजयी भएका हरेक स्थानीय तह लाई नमुना बनाउन निर्देशन दिएका छन ।
मओवादी केन्द्र बाँकेले स्थानीय तहमा बिजयी जनप्रतिनिधिहरूका लागी शनिवार आयोजना गरेको प्रशिक्षण तथा अन्तरक्रिया कार्यक्रममा बोल्दै यस्तो निर्देशन दिएका हुन । उनले जनमैत्री कार्यशैली अवलम्बन गर्न , सिर्जनशील काममा जोड दिन , शिक्षा स्वास्थ्य र रोजगार सृजना गर्न सुझाएका थिए । उनले माओवादी केन्द्रले संघीय सरकारको नेतृत्व गरेको तथा प्रदेश सरकारमा सहभागी रहेका कारण विकासका काममा जोड दिन आग्रह गरे । उनले विकासका योजनामा पार्टीले भरपुर सहयोग गर्ने धारणा राखे ।
कार्यक्रममा माओवादी केन्द्र बाट बिजयी वडा सदस्यहरू , बिभिन्न पालिकामा बिजयी वडा अध्यक्षहरू , खजुरा गाउँपालिकाका अध्यक्ष डम्बर बहादुर बिक तुफान लगायतको सहभागिता रहेको थियो । कार्यक्रममा माओवादी केन्द्रका प्रदेश उपाध्यक्ष युवा नेता दुर्गा बहादुर थारू कविरले शिक्षा स्वास्थ्य लाई प्राथमिकतामा राखेर काम गर्नुपर्ने बताए ।
जिल्ला अध्यक्ष नरेन्द्र पाण्डे जेम्सले माओवादीले जितेका वडा र पालिकाहरू नमुना बनाउने गरि काम गर्न निर्देशन दिए । उनले जनप्रतिनिधिका काममा पार्टीले भरपुर सघाउन बताए ।
