इलाका प्रहरी कार्यालय कोहलपुरका प्रमुख सुन्दर तिवारीले नागरिकहरू सँगको साझेदारीमा कोहलपुरमा हुने सबैखाले अपराध नियन्त्रण हुने बताएका छन ।
त्यसका लागी निजी क्षेत्र, आम जनता र प्रहरी मिलेर काम गनु पर्ने उनको बुझाई छ । इलाका प्रहरी कार्यालय कोहलपुरको प्रमुख भएर आएको २ महिनाको अवधिमा यौन व्यवसाय, लागू औषध नियन्त्रण , सडक दुर्घटना नियन्त्रणमा उल्लेख्य सफलता मिलेको उनको भनाई छ ।
प्रमुख तिवारीले प्रविधिको प्रयोग अपराध नियन्त्रणमा सहयोगी हुने भन्दै निजी क्षेत्र सँग सहकार्य गरेर मुख्य सडक क्षेत्रमा सि सि टिभी जडानको काम भई रहेको बताए । उनले निजी , समुदाय र स्थानीय सरकार सँग मिलेर नेपालगन्ज कोहलपुर सडक खण्डको राझा, पार्वतीपुर, कोहलपुर हाई स्कुल, महेन्द्र राजमार्ग अन्तर्गत कोहलपुर ४ को किरण नाला,सम्झना बजार, चपरगौढी लगायतका क्यामरा जडान गरिएको जानकारी दिए ।
उनले पिप्रहवा हुलास खाद्यय उद्योग , हाई स्कुलमा समुदाय स्तर बाट, किरण नालमा होटल सेन्ट्रल प्लाजा सँगको सहकार्यमा उक्त क्यामरा जडान गरिएको छ । उनले ठूला होटल, सुनचाँदी पसल , बैक लगायतका संस्थाहरूलाई एउटा क्यामरा मुख्य बजार र सडक क्षेत्र तिर फर्काएर राख्न आग्रह गरिएको जानकारी दिए । जसले रातको समयमा हुने घटना नियन्त्रणमा सहज हुने उनको भनाई छ ।
हुलास खाद्यय उद्योगका प्रमुख एम चक्रवर्तीले प्रहरी लाई अपराधमा सहयोगी हो भन्ने उद्देश्यले पिप्रहवा स्थिति रत्न राजमार्गमा सि सि क्यामरा जडान गरिदिएको बताए ।
