श्रीमान द्धारा पेट्रोल छर्केर आगो लगाउँदा जलेर घाईते भएकी कोहलपुरकी गंगा बिक लाई उपचार सहयोग जुटने क्रम सुरु भएको छ । मेची महाकाली बुहारी सयुक्त आवाज बाँकेको समन्वय सुरु भएको उपचार सहयोग अभियानमा नेपालगंजका बरिष्ट स्त्रिरोग बिशेषज्ञ डा. प्रबिण योगीले ७० हजार उपचार सहयोग गरेका हुन ।
स्वर्गिय बुवा बोधी लाल योगीको नाममा डा. योगीले आफुनो व्यक्तिगत तर्फबाट ५० हजार र आफुले संचालन गरेका स्वाथ्य प्रतिष्ठानहरु बाट २० हजार गरी ७० हजार सहयोग रकम हस्तान्तरण गरेका हुन ।
डा योगीले आफुले सञ्चालन गरेका स्वाथ्य प्रतिष्ठानहरु बासुकी स्वास्थ क्लिनिकका तर्फबाट ५ हजार ,बासुकी फार्मेसीका तर्फबाट ५ हजार ,बासुकी अल्ट्रासाउन्ड एण्ड डाईनोष्टिक सेन्टरका तर्फबाट ५ हजार र बासुकी क्लिनिक ल्याबरोटरी का तर्फबाट ५ हजार सहयोग गरेका हुन ।
डा. योगीले उपचार सहयोग रकम मेचि महाकाली बुहारी सयुक्त आवाज बाँकेको अध्यक्ष उर्मिला अधिकारी पाण्डे , सचिव प्रमिला शाही र कोषाध्यक्ष प्रेमिका शाही लाई हस्तान्तरण गरेका थिए ।
गएको आईतवार कोहलपुर नगरपालिका वडा नं २ का भानुभक्त विकले २६ वर्षीय पत्नी गंगा र दुई वर्षीय छोरा प्रिन्सलाई पेट्रोल छर्केर आगो लगाएका थिए ।
आगोले जलेर घाइते भएका प्रिन्सको गएको सोमबार मृत्यु भइसकेको छ । गंगालाई थप उपचारका लागि मंगलबार दिउँसो काठमाडौं लगिएको छ ।
चिकित्सकहरुका अनुसार घाँटी, ढाडसहित शरीरको १८ प्रतिशत भाग जलेको छ ।
पत्नी र छोरालाई आगो लगाउने विकलाई पक्राउ गरेर प्रहरीले कारबाही प्रक्रिया अघि बढाएको छ ।
काठमाण्डौमा उपचार अभाव हुन नदिन आफुहरुले सहयोग अभियान सञ्चालन गरेको बताउदै अध्यक्ष अधिकारीले उपचार सहयोग अभियानमा सहयोग गर्न सबैलाई अपिल गरिन । मेचि महाकाली बुहारी सयुक्त आवाज बाँकेको निरन्तर खवरदारी पछि जलेर घाईते भएकी गंगा लाई थप उपचारका लागी काठमाण्डौ पठाईएको हो ।
सहयोगका लागी मेची महाकाली बुहारी आवाजको टोलीले डा. योगीको परिवार लाई धन्यवाद दिएको थियो ।