बाँकेको खजुरा गाउँपालिकाले बढ्दै गरेको चिसोलाई मध्यनजर गर्दै सबै वडाको चोकचोकमा दाउरा वितरण गर्न लागेको खजुरा गाउँपालिकाका प्रमुख प्रशासकीय अधिकृत नृपराज उपाध्यायले जानकारी दिए । गाउँपालिकाले डिभिजन वन कार्यालयको आपूर्ति समितिबाट दाउरा मुढा ल्याएर वितरण भइरहेको गाउँपालिकाका उपाध्यक्ष मन्जु मल्लले बताउनु भयो । उहाँका अनुसार भोलि सम्म खजुराका ८ वटै वडाभित्र ठाउँठाउँमा दाउरा राखिने जानकारी दिनुभयो । आजबाट सबै वडाको चोकचोक बढी भिडभाड हुने ठाउँहरुमा भोलि सम्म वितरण गरि सकिने छ।
एक्कासी अत्याधिक चिसो बढेपछि बाँके जिल्ला बासीहरुकोे जनजीवन कष्टकर बनेको छ ।
शीत लहरसँगै चिसो बढेपछि जिल्लामा शीतलहरका कारण बढी गर्भवती, सुत्केरी महिला, नबजात शिशु, बालबालिका बिरामी र असक्तहरु बढी प्रभाबित भएका छन् ।
चिसो बढेपछि जिल्लाको विद्यालयहरुमा विद्यार्थी संख्या मा कमि आएकोे छ भने बजार पसलमा मानिसहरुको चहल पहल पनि घटेको छ । अहिले चिसो बाट बच्नको लागी चोक चोक तथा टोलटोलमा मुढा दाउरा र परालको आगो बाली तापने गरेका छन ।
शीत लहर बढेसँगैं पशुचौपायालाई बोरा र कपडाहरु लगाईएको छ । जाडो बढदै गए पछि बजार, सवारीसाधनहरुमा स्थानियको चाप घटेको छ । जस्का कारण सरकारी कार्यालय, संघसंस्थाहरु सुनसान बन्दै गएका छन ।
जाडोकै कारण जिल्लाका बिद्यालयहरुमा पठन पाठन समेत प्रभावित भएको छ ।
शितलहरले बाली नाली, पशु र अन्य चौपायामा लगायत ठुलो मानिस र बच्चामा रुघा, खोकी, झाडा पखला, भई असर परेकोले यसबाट बाच्नका लागी सचेत रहन र तातो पर्ने उपया अपनाउनका लागी सुचना जारी गरिएको जिल्ला प्रशासन कार्यलयले जानकारी गराईएको छ ।