बाम गठबन्धका तर्फबाट बाँके निर्वाचन क्षेत्र नं १ का उम्मेदवार महेश्वरजंग गहतराज अथकले तिनै तहको सरकारको सहकार्यमा मात्रै कोहलपुरको मुहार फेर्न सकिने बताएका छन ।
गठबन्धन सम्बद्ध दलबाट स्थानियतहमा निर्वाचित जनप्रतिनिधीहरु संगको छलफलमा प्रतिनिधिी सभा सदस्यका उम्मेदवार तथा युवा तथा खेलकुद मन्त्री अथकले यस्तो बताएका हुन ।
उनले तिन तहको सरकार एउटै सेटमा भए आगामी ५ बर्षमा कोहलपुर लाई आधुनिक शहरका रुपमा विकास गर्न सकिने धारणा राखे ।
कोहलपुरको स्थानिय सरकारका अधिकाँस जनप्रतिनिधीहरु युवा तथा केही गरौ भन्ने सोचका साथ अगाडी बढेको भन्दै अथकले स्थानिय तहका जनप्रतिनिधीहरु संग काँधमा काँध र हातमा हात मिलाएर आफु अगाडी बढ्ने धारणा राखे । उनले जनतासंग गरेका वचन कुनैपनि हालतमा खेरा जान नदिने बताउँदै अथकले सिहदरबार चिनेको नेतृत्व नै अहिलेको आवश्यकता भएको बताए ।
कार्यक्रममा बोल्दै प्रदेश सभा सदस्यका उम्मेदवार फुलाराम थारुले संघ र प्रदेशमा पनि गठबन्धनका सरकार निर्माण हुने बताए ।
उनले यस क्षेत्र बाट पनि गठबन्धका उम्मेदवार बिजयी भएमा यस क्षेत्रको बिकास सहज हुने धारणा समेत राखे । उम्मेदवार थारुले बिभिन्न नाममा जनता झ्काउने काम भएको भन्दै सबैखाले बर्ग क्षेत्र र समुदायका समस्या गठबन्धन सरकारले मात्रै गर्न सक्ने धारणा राखे ।
कार्यक्रममा बोल्दै माओवादी केन्द्रका केन्द्रिय सदस्य नरेन्द्र न्यौपानेले काँग्रेस , माओवादी लगायतका दलहरुको सहकार्यमा देशमा शान्ति प्रक्रियाले पुर्णता पाएको , संबिधान निर्माण भएको र यसको रक्षा र कार्यान्यनमा पनि मुख्य रुपमा माओवादी र काँग्रेसको सहकार्य आवश्यकता रहेको धारणा राखे । उनले देशमा गठबन्धाको सस्कृती सुरु भई सकेकाले आगमी २० बर्ष सम्म गठबन्धन गरेर देश अगाडी बढ्ने धारणा राखे ।
उनले गठबन्धन दलहरु बिच बिगतमा भएका तित्तता हटाउदै भावनात्मक एकता गर्दै अगाडी बढनु पर्ने धारणा राखे ।
छलफलमा कोहलपुर नगरपालिकाका निर्वाचित जनप्रतिनिधीहरुको सहभागाीता रहेको थियो ।
कार्यक्रममा बोल्दै कोहलपुर १२ का अध्यक्ष विरेन्द्र शाहले तिन तहको सरकारको सहकार्यमा मात्रै विकास सम्भव हुने धारणा राखेका थिए । निर्वाचन परिचालन समितीका संयोजक बलराम शर्माको अध्यक्षतामा भएको कार्यक्रममा समानुपातिक उम्मेदवार सञ्जु कुमारी थारु , बिष्णु कुमारी चौधरी ,पबित्रा रोकाय लगायतको सहभागीता रहेको थियो ।
छलफल पछि गठबन्धन दल बाट निर्वाचित जनप्रतिनिधीहरुले आगामी मंसिर ४ गते हुने संघ तथा प्रदेश सभा सदस्यका उम्मेदवार लाई बिजयी गराउने खटिने प्रतिबद्धता जनाएका थिए ।
उनिहरुले स्थानिय सरकार सफल बनाउन संघ र प्रदेश सभामा गठबन्धनका उम्मेदवारहरु बिजयी हुन अनिवार्य रहेको बताएका थिए ।