बंगलादेशसँगको अन्तर्राष्ट्रिय मैत्रीपूर्ण फुटबलमा नेपालले जित हात पारेको छ।
दशरथ रङ्गशालामा भएको खेलको पहिलो हाफमै नेपालका अञ्जन विष्टले तीन गोल गरेपछि नेपालको जित सुनिश्चित भएको हो।
विष्टले खेलको १८ औँ, २७ औँ र ३८ औँ मिनेटमा गोल गरेका थिए। पहिलो हाफमा निकै आक्रामक बनेको नेपालले दोस्रो हाफमा भने खासै राम्रो प्रदर्शन गर्न सकेन।
यस्तै बंगलादेशका लागि खेलको ५७ औँ मिनेटमा मोहम्मद टुटुल हुसेन बादशाहले सान्त्वना गोल गरे।
