कोहलपुरका जनता लाई स्वच्छ खानेपानी खुवाउने मुख्य अभिभार लिएको कोहलपुर साना शहरी खानेपानी तथा सरसफाई उपभोक्ता सस्थाको वर्तमान कार्यसमिती पुर्ण रुपमा अवैधानिक रहेको पाईएको छ । कार्यसमिती गठन भएको प्रत्येक ५ बर्षमा नियमीत साधारण सभा गरेर नयाँ कार्य समिती चएन गर्नु पर्नेमा कार्यसमिती गठन भएको ७ बर्ष पुग्नै लाग्दा समेत साधारण सभाको मिती तोकिएको छैन । २०७२ साल पौष मा निर्माण गरिएको सो कार्य समितीले २०७७ पौषमा नियमित साधारण सभा गनु पर्ने थियो ।
तर सो समितीले साधारण सभा गरेन । बिभिन्न कारणहरु देखाउदै १ बर्ष कार्यकाल थपेको समितीले २०७८ पौष महिना भित्र साधारण सभा गनु पर्ने थियो । २०७८ पैषमा सधारण सभा नगरेको सो समितीले आफ्नो म्याद थप गर्न नसक्ने कार्यसमितीका एक सदस्यले जानकारी दिए ।
ति कार्यसमिती सदस्यका अनुसार बिधानमा आपतकालिन अवस्थामा १ बर्ष म्याद थप गर्ने व्यवस्था छ । ति समस्यका अनुसार १ बर्ष भित्र साधारण सभा नगर्ने बर्तमान कार्यसमिती पुर्णतया अबैधानिक छ । मुख्य राजनैतिक दल नेपाली काग्रेस , नेकपा एमाले र माओवादी केन्द्रको सहमतीमा कार्यसमिती चएन हुने भएकाले पनि सो कार्यासमिती खानेपानी उपभोक्ता भन्दा ति दलहरु प्रति जवाफदेही हुने भएकाले अवैधानिक कार्यसमितले खानेपाली संस्था सञ्चालन गरि रहेको छ ।
नेपाली काग्रेसका नेता नर बहादुर मल्ल २ कार्यकाल भन्दा लामो समय देखी सो सस्थाको अध्यक्ष छन । मल्ल नेतृत्वमा एमाले र माओवादी केन्द्रले भाग बण्डामा आफ्ना मानिसहरु कार्य समितीमा पठाएका छन । बर्तमान कार्यसमितीका पदाधिकारीहरु फेरी दोहरीने दाउमा साधारण सभाको मिती तय नगरेको कार्यसमितीकै एक सदस्यले बताए ।
यसरी चएन हुने गरेको छ कार्यसमिती
औपचारीक रुपमा साधारण सभा हुने भएपनि खासगरी नेपाली काग्रेस , नेकपा एमाले र माओवादी केन्द्रको सयुक्त बैठकले नयाँ कार्य समिती चएन गर्ने गरेको छ । ति दलले भाग बण्डाका आधारमा नयाँ कार्यसमिती चएन गर्ने गरेका हुन । हालका कार्य समितीमा नेपाली काग्रेले अध्यक्ष , नेकपा एमालेले उपाध्यक्ष , कोषाध्यक्ष र माओवादी केन्द्रले सचिव सहित कार्यसमिती सदस्य भागवण्डा गरेका थिए । सोही अनुसार अध्यक्षमा नरबहादुर मल्ल , उपाध्यक्ष शोभाकर अधिकारी , सचिव प्रेम कटुवाल , कोषध्यक्ष एक नारायण चापागाई लागायतको कार्य समिती थियो ।
उपाध्यक्ष शोभाकर अधिकारीले राजिनामा दिई सकेका छन । कार्यसमितीका तत्कालीन उपाध्यक्ष अधिकारीले साधारण सभाको नगर्दा आफुहरु अबैधानिक भएको भन्दै गएको माघमा राजिनामा दिएका हुन । राजिनामा दिएका अधिकारीले सार्वजनिक संस्थान लाई निती बिधीमा चलाउनु पर्नेमा त्यसो नहुदा आफु सो संस्थामा बस्न नसकेको जानकारी दिए । संस्था अपारदर्शी मनोमानि तरिकाले चलेको उनको भनाई छ । आर्थिक अवस्था धरासायी छ , उपभोक्ताको माग अनुसार स्वच्छ र आवश्यकता अनुसारको पानि बितरण गर्न नसकेपछि अवैधानिक समितीमा बस्नुको औचित्य रहेन एमालेको प्रतिनिधी समेत रहेका अधिकारीले भने ।
कार्यसमितीको पदाधिकारीको सेवा सुबिधा
साधारण सभा गर्न नसकेर अबैधनिक समितीको पदाधिकारी र सदस्य समेतले नियमीत बिभिन्न खाले सेवा सुबिधा लिने गरेको पाईएको छ । कार्यसमितीका एक सदस्यले दिएको जानकारी अनुसार संस्थाको तर्फबाट पैसा तिर्ने गरि कार्यसमितीका पदाधिकारी देखी सदस्य सम्मको जिवन बिमा गरिएको छ । प्रत्येकको ३ लाख ५० हजारको जिवन बिमा गरिएको छ । बिमा बापतको प्रिमियम हरेक बर्ष संस्थाको कोष बाटै जानेको गरेको छ ।
सो बाहेक पदाधिकारी र सदस्य सम्मले समान्य अवस्थामा मासिक २० लिटर पेट्रेल सुबिधा लिने गरेका छन । चाडवाड भत्ता बापत बार्षिक १५ हजार उनिहरुको घोषित सेवा सुबिधा हो । त्यस बाहेक दैलेख स्थाई वासिन्दा रहेका सचिव प्रेम कटुवालले दैलेख जादा र आउदा थप सुबिधा लिने गरेको कार्यसमितीका एक सदस्यले बताए । माओवादी केन्द्र दैलेखका जिल्ला संयोजक रहेका कटुवाल अधिकाँस समय दैलेख रहने र सेवा सुबिधा भने खानेपानी बाट लिने गरेको ति सदस्यको भनाई छ ।

संस्थाका कोषाध्यक्ष एक नारायण चापागाईले कोरोना कालका कारण र केही योजना अपुरा रहेकाले साधारण सभा गर्न नसकिएको बताए । उनले आगामी पुस सम्म साधारण सभा गर्ने योजना रहेको बताए ।